DIVISIÓN CELULAR

Mitose vs Meiose (entrada antigua deste blog)

Mitose
Meiose

Comparación entre mitose e meiose dunha célula nai diploide con 2n=4 cromosomas (os maternos en rosa e os paternos en azul) Imaxe tomada de: https://gensencillo.files.wordpress.com/2010/08/mitosisvsmeiosis.gif

Mitose e meiose

Premede para acceder ás animacións sobre mitose e meiose que vimos hoxe en clase. Lembrade que en cada unha tedes dúas opcións: "paso a paso", na que sodes vós os que controlades o ritmo, e a "narrada". As animacións tamén teñen un texto onde se explican estes dous procesos e as diferencias entre ambos.
Animación 1- Mitose
Animación 2. Meiose

División celular: Meiose

A meiose ou división reduccional é un mecanismo de división celular no que unha célula nai diploide produce 4 células fillas haploides. Este mecanismo é exclusivo das células da liña xerminal, que son as que están destinadas a producir gámetas .
Polo tanto a meiose está estreitamente relacionada coa  reproducción sexual, só poden experimentala células diploides e só aquelas que pertenzan á liña xerminal.
Pero...por que razón as gámetas teñen que ser haploides?
Nas ligazóns tedes varias animacións da meiose, e ao igual que vos dicía  no caso da mitose, hai moitas máis na internet. Gústame especialmente a primeira, porque detalla con moita claridade o que lles pasa aos cromosomas homólogos e ás cromátidas irmás.
Meiose1
Meiose 2
Meiose 3

División celular: Mitose

As células reproducense asexualmente mediante un proceso de división chamado mitose. .
Todo ser pluricelular  procede dunha única célula inicial que se multiplica por mitoses sucesivas , pero en lugar de separarse para levar unha vida independente, as células fillas permanecen xuntas , constituindo un único individuo.Así pois, nos organismos pluricelulares a mitose pode implicar desenvolvemento, crecemento, reparación  tisular,  rexeneración .. . e , por suposto, tamén producción de descendencia.
As células responden a sinais internas e externas para comezar a dividirse ou para deixar de facelo. Pero ás veces algunha célula ignora esas sinais e se divide de forma incontrolada, xenerando unha masa ou tumor; esta é a causa primeira do cancro.
Na mitose, unha célula nai producirá dúas células fillas (a célula nai, como tal, desaparece no proceso) que son xenéticamente idénticas á célula nai(clónicas), pero para iso é preciso un complexo e delicado mecanismo de reparto dos cromosomas.
Déixovos tres animacións sobre a mitose. Podedes buscar máis na rede; hai moitísimas e é difícil escoller...
Mitose(animación interactiva de CellsAlive)
Mitose animada
Outra mitose animada

Ciclo celular

Na ligazón déixovos unha anoimación sobre o ciclo celular


Ciclo celular